人造衰運旺效應

吳鈞洋

　曾經到過鳳德堪察一個單位，表面話睇風水，實際上係執手尾。事關呢間住宅係九四年搬入黎住之際，已經由某位大師堪察過，林林審審整左一大堆野，搞到間屋好似佛堂一樣。點解會請我重新去執過呢？梗係有跖妥人家先至會忍痛再花費啦！唔通真係銀紙多，搵自已間屋來做實驗品試料咩！

　原來宅主經某大師堪察過，照足吩咐裝修妥當入伙之後，跟住執埋笠。宅主兩公婆輪流病，男主人唔知點解個背脊由頸到尾龍，日夜都好似萬針剌穿咁痛到伸唔直，做極物理治療同睇盡跌打都全無起色。女主人則集中晒女人應有的婦科病於一身，雖然跖係奪命個種，但係病情纏綿困擾，醫得呢樣，其它又翻發，搞到無時得到安寧。仲有係在年中的時候，男主人忽然間心理抑鬱之極，有幾次想自殺了斷。有如此多濕滯厄運運綿不絕地降臨身上，搞到宅主兩夫婦六神無主，但無懷疑到某大師的功力，只係懷疑自己間屋本身存在著問題。這次再請我來堪察，只不過係想求證下間屋究竟值唔值得住落去。

　我到步之後，自不然依例循巒頭大局先取大廈的坐向然後先至入屋做野。整座大廈係七運艮坤坐向，坐東北向西南。巒頭東北坐方係大山一座，應該係礸石山喇卦，呢座山遠睇幾壯觀，但近睇卻剝皮剝骨，無乜秀氣可言。同時適逢有新屋興建， 該年整年大興土木，方位剛剛係正我堪察的大廈背的東北方位，亦即呢間住宅的主人房對開位置。艮坤坐向該年流年的飛星數，坐中向都蕩成二五交加，凡係有呢種凶數會聚，最忌外面有動土修路的工程，許多時有咁現象而宅中人時運低，再加上宅內佈局觸動到煞氣，無死人已經係上天俾面！入到住宅之後一睇，都未使開羅庚，我知道出事。原來整間住宅中間皮間，將廳同房一分為二，東北方位近山個邊間左兩間房，左方東北方部份係主人房，右方北個邊係兩個仔住。兩間房對開係大廳，公屋因為地方細，都無分客廳同飯廳矣。在廳房之間安奉左一座大神櫃，足足有四五呎寬，八九呎長，佔左個廳起碼有四分一面積，神分成三層，最上個層奉左三幾尊神祗。我都講唔出係乜名，中間係祖先，最下個層係地主，神櫃內紅彤彤，大大話話有十多盞紅燈。整間住宅本身已經唔算大，而神櫃的壯觀處卻起出左間屋的比例，搞到成間屋好似佛堂咁。

　需知道，佛門係四大皆空的地方，住宅內裝飾似佛門，塵世間的利益同享受，自不然唔會多得去邊。所以話家宅風水安奉神位固然重要，但千祈咪以為越大越多得神保佑，如果安奉得比例同光線超越限度，一樣係有衰無好。呢間住宅的神位，最要命之處係安奉係屋中央，遇正流年五黃入中，坐中向值二五交加，坐外又動土，正所謂屋漏更兼連夜雨，人行衰運真係有條數來應。仲有一樣落井下石的佈局，就係在主人房同細佬哥房門外在門頂各置一雙玉獅子，釘個皮座來安置，獅子頭向著房門內，人工做多個二黑帶煞來陪襯神位的五黃方位，再在神位所在擺個風水輪係度添。

　我真係服得呢位大師交關，亦嘖嘖稱奇宅主家人可以一年下來頂得順，因為咁搞法，宅主夫婦上面所講的事同健康方面的厄運只不過係小兒科而已！

　總的評論，間住宅風水唔係認真差，有衰只不過係自己搵來。當時係年尾，我諗可能宅主條命流年係要應番呢條劫數。假如早搵我，當然唔會吃咁多苦頭，正係時也命也的應數。於是安忍宅主唔使擔心間屋的問題，無搬遷的必要。並且為佢擋左今年的煞氣，但由於先天條宅線煞氣會聚，屋外又動土，想今年有得到標青的效應根本唔使諗，只不過係唔會再有大禍臨頭咁滯，為佢預先做妥下一年催吉的功夫，呢間屋明年條數計落係唔差，做左野之後將會更加錦上添花。希望宅主夫婦及兩個細路哥，之後事事如意，一帆風順。

(本篇完)