牝雞之晨，惟家之索
最近個市好似中咗氣油彈、無啦啦係咁飈升。係就係西方首腦大前題議定進一步籌集銀両注入「歐丐銀行」，多舊魚亦同中國胡財主通過電話而獲得祝福……相信11月初廿國財長會議有望胡員外「鬆指」而暫時紓解歐亞危機。
唯獨冬天之嚴寒正亦步亦趨地迫近歐洲之際，如果話冇實質內容達成嘅恊議足以支撑了起咗個大市，咁下個月步入大雪之後，真不敢想像個市到時會點收科。
今朝瞓晏幾個鐘至起床，望下日曆，咦！過咗初一嗱！怪唔得周身攰賴賴、啲骨頭仲有啲痛。梳洗完畢之後，拿拿淋……唔係上廁所，而係作文章，嘻嘻！記得老而不最喜歡話人作屎坑文章。
開出下個月立冬五行：
丁 丁 己 辛
未 卯 亥 卯
丁火生亥月，星火無光輝、遇上濕木難燃點，正是濕柴鬱陰火……一如老坑瞧靚女，得個睇而慾火難燃。不如用斧頭劈木引火咧，全局庚金欠缺，五行因為少咗個毛澤東（紅太陽），擺明東方無進取、西方冇運行……隆冬缺陽光濕木難燃欠温暖話東方大躍進不過宣傳。八運去到2014年先至十年，話西方有運亦不過粉飾節日、事關仲有十多年才衰定。如果用八字地支亥卯配套入廿國財長會議，咁肯定得個講字，事關你辛金無根基，木亂嘥心機，積弊難改革，胡亂用儲備。到會議結束，完成咗官商勾結造市勾當，手頭貨源派得七七八八，悲觀消息又再湧現（到時水去入辰墓，咪畀我批中失驚無神再爆出多舊魚都唔掂）！
話又講番八字中嘅水：「亥丑」因為拱子成北方，講明濕柴鬱陰火， 一如老坑瞧靚女，慾火難燃……咁即係話水多衰多兩錢重，特別對西方金嚟講、水重金沉，真怕入咗十月下旬亥水旺動、噩耗初洩醞釀禍端。入十一月子水匯聚北方肇禍伊始。
我先前咪寫過篇文章讚中國科學院班友好嘢！驚死五黃飛東、文昌化忌……所誘發嘅天怒民怨加埋自然災害……等等引起震動，再加上江澤民登神枱，胡錦濤下舞台……進一步影響南水北調運作。所以拿拿淋派黑仔強南下「生事」，配合深圳大運會作動……催水。首先有意將正東淅江、上海……啲衰嘢冚扮爛一鑊過推往東南方，好似將垃圾推往堆填區一推。得咗！
咦！點解咁快驗了數，啊！北水南下匯聚龍潭，東南亞泰國才有帝王龍王……泰水相應肆虐：大水沖起了春頭、三人入墓上神樓，泰王龍王已入數，莫非另一係女流？
中國論語有云：「牝雞之晨，惟家之索」意思是：雞乸報曉，這戶人家就快衰落、玩完……女總理喎！牡為禍首，昌曲化忌、北水南流累事，全世啲水流哂東南亞入墓，咁攪法先累死泰國，歐美嗰邊又點會掂？中國，一樣唔會好！