年煞東南月西北,今趟唔知又衰乜

文•吳鈞洋       

    「慟哭三軍皆縞素,沖天一炮悼英魂,旺角警署最近披麻帶孝,好似有噩耗將至!」有位遊客光顧完我之後、經過旺角警署正門,將拍攝到嘅相片寄來問我。我睇完之後搲哂頭,心諗:裝修啫,唔通班差大哥第六感特強、未卜先知?諗諗下忽然闔着咗……矇矓之間聽到有把聲吟吟沉沉咁重覆說話:「日潛西山東海藏,龍春水去湄南旱,雙木乘風成林去,隨水入墓歿香江!」,一下子扎醒、沉思咗一刻……隨即拍拍頭頂暗叫一聲:「咁鬼蠢!」。夢中嗰把聲係顯示我又觸到機(好彩冇賴尿,嘻嘻!)旺角警署係坐西北向東南朝向舊年年底燒死人嘅女人街 ,希望算係差大哥遲來的悼念,求神拜佛千祈咪又再刺激起煞氣,事關今年五黃飛東南,驚蟄祭白虎嘅二月則五黄到西北,你話係咪大鑊吖!連貫到觸機觸及之「機文」,前兩句係指日皇和泰皇,第三句則係雙英,最尾嗰句唔使問阿貴,梗係凸首喱隻龜。

    照「機文」預示,似乎係衰兆頭冇個掂,咁就真係咸吉欖、柯倫炒粉矣!

    講開又講,曾蔭權本身係老牌政客,個人醒目縮骨、人所公認世界仔!今次佢高調地海陸空豪華馬交遊,白痴嘅都知唔妥啦!何況佢手下咁卵多智囊、法律專家……就算佢懵,其他人冇理由跟埋懵架!真估不到佢葫蘆婼磄A春藥?咦!莫非又有法術做一係聽媽媽的話、乸屎上身轉移視線(咁就生得光榮死得偉大啦!),二係好似舊年藉深圳大運會、叫剋仔強特登搞串港大個場而作動以呼應唐應年競選……照版煮碗攪到九龍亂哂龍,乘勢沖出唐唐九龍塘僭建地嗰條水龍(你問所寫嘅媽媽係上頭抑或地產商?點知呀!)

    「特登搞串港大個場……」單故事請參考blog文章(地天泰、做世界,倒鳳顛鸞永冇敗

    結尾後節錄特首連任前幾日之文章:或許有人問,你估家陣個特首會唔會好似(老古董)咁埋唔倒尾?呢層真係認真難講。至於今次(地陷要填氹)除咗剛啱先至(欽點)完特首、更加係(回歸)十周年慶典前夕,照依家坐〔特首辦〕向〔金融管理局〕嘅風水座向嚟論斷,話之你特區政府先前為現時之〔特首辦〕造盡一切搬碼頭、拆鐘樓……等等清除風水障礙功夫,今勻(利源)東陷〔利源東〕嘅(時空神兆機動)好大機會先驗證響財經方面出事先……(利源)東陷〔利源東〕2007