勃起來、割開來
真係好鬼耐冇見老而不，應該有好幾個月吧！嗰日咁啱我食完榴槤，唔知係咪仲有啲貓屎味仲齒頰餘香之故……臭味相投效應，竟然燻出條剝咀……蒲頭。「大海航行靠舵，萬物生長靠太陽……」老而不好興去到人哋屋企門口先至唱歌，十足小狗汪汪報來訊一樣。
我走去開咗門，見到同來的仲有一個候生仔。隨即問佢唱乜、鬼咁令人唔舒服，答道：「革命歌曲」，我聞後當堂打咗個冷顫：「唔該你喇，老而不，再聽喱啲攞命歌曲我分分鐘會中風！」，老而不笑着回道：「革命有理，造反無罪……唉！响改革之後今天仲唱呢類歌擺明搞政變，唔捉冇天理！」，喱個時候同來嘅候生仔開腔：「大編輯舊年先至攞咗廣州市老人舉辦嘅革命歌曲亞軍獎……哈哈！」，不待候生仔說完、我即刻截住說話：「原來咁威攞埋老人獎呀！佢喱種人生定捉入去食一輪國家老人餐至會醒覺」，老而不搲着頭答話：「嘿，點解咒我……啊！唔記得介紹，喱位係曾先生，响省委工作」，我聞後知道來者並不簡單，於是有意無意逗逗佢籮友擦擦佢皮鞋：「真係候生可畏，咁年輕就入局，遲早拜相！」高帽喎，有邊個戴咗上頭會嫌三嫌四吖！
喱個時候老而不又再發揮搞笑本能，佢笑着朝曾先生道：「曾哥仔，整番首勃勃溜畀吳老不聽」；對方含笑點咗下頭，然後用普通話唱下去：「老子薄一薄、只一舖，山西反閻立功勞，由此當上大元老……」佢望住我哋笑咗一笑：「薄老身體差G-Ba不聽話，生子哪話兒藝術化，中看不中用、害得媳婦守生寡……」，聽到喱戍我忍悛不住，連同兩位來光顧的小姑娘，一齊擘咀大笑！曾先生見到說話有人捧場自然得戚，先遞起右手示意靜一靜、又再往下唱：「薄老兒子啥名字？原叫薄歩熙……哎喲喲勃不起」唱到呢度我還忍得笑，但見兩位姑娘和清潔阿姐則笑到上氣不接下氣……至於老而不笑得仲誇張，佢指住曾生笑到出唔倒聲……「仲有一段、好快唱完」曾先生眯着眼笑道：「偶遇高人叫雲海、着他速把名字改，自此命名勃起來、討個媳婦割開來，勃起來再割開，陰差陽錯徵結在……」，唱到喱戍，老而不突然來個搶咪：「後尾畀我唱……」於是乎條肥佬清咗下嗓子隨即開腔：「又像霧時又像花，陽錯陰差誕瓜瓜。哈哈哈！勃起來啦生瓜瓜，瓜瓜本來旺爸爸。怎料禍起割開來……」，唱到喱戍我示意停下來，事關兩位小姑娘要離開。
「吳老不，下個月武曲化忌六太陰化忌，衰乜？」老而不問，我答：「第一衰、天下水，第二衰、世界女，第三分泌共骨髓……」，曾先生聽過說話大感興趣而發問：「做手術算唔算？」我還末開嗲老而不已搶住答話：「當然算喇！佢皮肉戚戚痛，你會陰赤赤痛……哈哈！曾生下個月做老竇，所以講親女佢都好着緊」，我笑道：「夫妻同根亦葉承，一脈相傳百世興。恩愛先至緊張，曾先生呵！」我笑語候生仔，對方笑容滿面回道：「你哋叫佢老而不，係不化抑或不死？前者成個老頑童咁，人家尊敬自己開心。後者就可憐囉！老而不死惹討厭。」我聞後拍手叫好，睨了老而不一眼，笑答道：「當然係前者啦，哈哈！肥佬仲未去到神憎鬼厭地歩。」講到喱戍，個肚開始想駡人……睇吓個錶又到咗食飯時間，齊齊準備上酒樓。