起南風，火燒五黃入震宮
我曾經講過，中國國家主席習近平係救亡領袖，救乜？咪奉天承運反貪反腐、救黨救國，睇下能否將國內貪官從罪惡邊沿、滅亡底線拯救出來囉！雖然仲艱難過林肯拯救黑奴，摩西帶猶太人出埃及……但個大運註定要咁做、不能逃避。更由於家陣八運講求實際、未來九運講文明，冇得敷衍搪塞卸責，唔理得用咩政策、手段，相信遲來的整肅點都要進行。
習總上任之後，中國政府反貪腐、打擊奢侈消費……係既定重要政策之一。措施係限制官員炫富，佢要求政府部門，從選車到出國旅行都要厲行節儉。縱使小試牛刀嗻，想不到立竿見影，竟然會對中國經濟造成嚴重影響，真係始料不及，也不由你不信國內無官不貪，貪得來之財貲消費更加驚人！
呢種現象正好應驗咗：戊土合雨露癸水化火而明旺八運當運土，未來三年地支「巳午未」更益九運火，火土既旺相未來、也就是說，過往投機倒把，貪污腐敗……等等劣根性，據聞中央有決心整頓清算。可能唔係講玩緣故。對企業來說，反貪腐政策或許暫時降低了他們的銷售額，但同時也是開拓另個新興市場的契機。雖然中國政府打擊公務單位的貪腐現象，但是他們鼓勵中國百姓增加消費。尤其中國快速成長的中產階級，將是各大企業的兵家必爭之地……。不過話得說回頭，目前國內捨得消費的一群，應該佔了75%屬於高危級別，即係話面臨抄家對象，當中說不定已經出了事甚至正在受雙規中。其他正在持觀望態度。平民百姓、就算中產階級，消費極限也不過貪官們九牛一亳。分析家認為，中國新政府為了樹立信譽，短期內都不會改變政策，並且可能堅定地持續執行該政策。如果屬實咁就慘矣！萬一美國加息，中央追數……國內大鱷肯定來港散貨，特別賣樓自保，到時香港樓想升幾難。
講開又講，芒種月最不利的方位是正東居首(月令五黃被年五黃星居中激盪煞氣)，其次是中宮(年五黃沖起月令七赤戰星) ，再次是正南(受中宮五黃激盪煞氣)
，東南有瑕疵(46金木相戰)。
世界上以正東，正南方和中宮地域國家在農曆四月下旬小滿後到芒種後都有災難性發生。只不過本月發生的災劫禍害，比起上個月有過之而無不及，事關火旺方混局，焦土剋金再焚木，睇怕東海再起風雲，美日邪合說不定衰多鑊。