運太陽化忌入子宮
近日嚟多得凸首基哥恩賜，老而不做到隻積咁，結果……咁就冇ELL，咪咁黑心啦！挨病咗瞓醫院嗻。
嗰日我同偉哥去探佢。「老而不，乜咁擇婿呀？」我入到病房、第一時間發話兼作擁抱狀。「得喇，得喇！一陣啲姑娘還以為我斷背，仲使搵食嘅？」老而不佯作生氣狀，大家笑作一團。嗰一邊偉哥一啲都冇閑過，左昅昅右昅昅，好似相揀定個好位第日入……。「醫生有冇叫你屋企人……」偉哥一本正經向老而不問道、由於佢冇笑到，老而不先係一怔，跟住笑駡偉哥並作狀要打佢……
「吳老不，你年初咪寫過梁振英：有如關羽走麥城朱棣囚燕京，財流東海、死過翻生。事業發圍而財豐祿厚、唯獨奔波勞頓不免。或許攀龍跨鳳青雲有路，只恐南北風雨窒礙仕途……即係點嗻，能否大歩檻過？」，「好難講，事關佢時柱丁丑犯伏吟要行埋今年先至甩難。嗰頭明年犯足太歲……」，我說話還未說完，死肥佬已經一句砌埋嚟：「佢斗數出年坐天梁化祿午垣，面對太陽化忌子宮……」，喱個時候偉哥失驚無神笑着驟亂歌柄：「哈哈哈！太陽化忌入子宮，咪即係紅太陽馬上風，不幸魂斷仙人洞？」大家又嘻嘻哈哈笑飱飽。 笑過之後我接話：「梁生今年丁丑運伏吟未過，太歲巳火刑合月提申金，隨即牽動年日支子午沖，天干丁癸沖，亥月更會亥子丑北方而水重金沉……咦！三中全月噃，大輪鑊。過得今年骨、明年未必好過。陽巨化忌子宮，加上丁丑大運氣未全退，流年太歲緊貼追隨，一眾外國敵人勾國內貪官玩嘢……英仔呀，睇怕幾難捱！一早聽我講劈炮咪唔使好似依家咁頭赤囉！」
講到呢度有位靚女護士走入嚟，死肥佬立即扮哂嘢伊伊哦哦，擠眉弄眼要我哋離開，我哋自然通氣快閃。