嚙線嚙磐嚙諒佬瘀蕭嚙窯嚙諄？-嚙範嚙緞嚙緞

真係傻佬當總統？

文‧吳鈞洋

1.《真係傻佬當總統？》

小時候聽師長講過；美國大財團控制總統選舉，選做總統之人必須在彼此妥恊下產生而不能由大財團其中個人或家族成員選任……。

據云當年由於甘乃迪總統家族係大財團之一，因違規而被除去……家陣呢個特朗普並非有米嘅，咁自然係財團之間妥協之下而誕生，試睇八字已有非常明顯印證：

丙乙己丙（美選舉）
子未亥申

是日五行用在乙木皆因美利堅算是兌金白虎之首，故乙木透出作用暗邀庚金（白虎）相合化為而成國家統治者。五行天干併透兩丙日麗中天而地支申子、亥子拱合方局以生亥未拱卯木局……大象呈現：丙火暖大局而天和地潤、水火平衡復成既濟，因既濟之功木遂生火（震上而離下）離火由下向上生震木由上承接而成（雷火豐）卦，卦象：男主外而女主內，故男性總統因循卦而產生。《震》卦之震，是借雷震的震，但自不當僅指雷震的震，它有一種震動、震撼、震驚、震懾……等等綜合的意思，也即指超過一般人承受壓力而造成的駭異局面。由一個語不驚人死不休、終日靠嚇嘅（傻佬）做總統喎，你話得唔得人驚吖？哈哈哈！

2.《圓月食日衰日圓》

銀行高層上月問我日圓走勢，我答佢亥月實仆街！嗰陣YAN仲企硬佢雖然唔敢反駁卻陰陰咀笑。到咗上星期我再提醒佢，佢唯唯諾諾，側聞仲加注入貨。到咗月圓第日中午來電話（哭喪）矣……我笑罵道：「你都懵到上心口！明知個月咁圓肯定食日，唔衰日圓衰乜？！仲有人仔呀……」問點解？答道：「東方紅太陽升嘛，明年太陰化祿陽巨自被陰精吸干！」

3.《萬有引力效應》

萬有……係咩嘢嚟架？話你知，即係「基本相互牽引作用」。平時正常的月亮對於地球海洋不過起潮汐漲退自然效應，但如果月亮忽然間又大又圓一刹那的話咁就容易引發地震而導致海洋失衡發生海嘯……呢種現象稱做（萬有引力煞）講得白D即係個月突然發姣而挑逗地球所致。舉凡宇宙間有質有量嘅物體如果佢哋忽然之間起了變化，五行（金木水火土）元素必然失平衡而亂哂龍災難也由此釀起！呢啲現象亦即係自然界嘅所謂：「四大相互牽引作用」，所謂萬有引力效應不過係其中之一，另外三種分別係：電磁交互作用、弱交互作用、強交互作用。

萬有引力係上述四大交互作用中最弱一環，即係太陽和地球之間存在嘅一種吸引力……講得淺白啲咪地心吸力囉！平時冇乜大影響嘅，唯獨加埋超級月亮效應，咁就因制衡牽引出了亂子而非比尋矣！

4.《南亞海嘯回顧》

承接上文（萬有引力）的討論……

12年前（引力）所導致的南亞海嘯眨眼之間又過了十二生肖循環……今歲又係猴年、同時間亦到了12月添。謹此肅立為當年死難者默哀！

點睇今年吉凶呢，會不會重蹈12年前覆轍？試睇今年災難紀念當日八字已經暗地裡納悶，雖知非吉象唯獨衰向邊度則煞費思量……更何況流年二黑入中冲東北、本月五黃飛南宮激年煞。不妨睇下八字：

庚壬庚丙
子午子申

壬水三犯庚年羊刃重逢格成（潤下）唯獨壬午日柱坐下之午火南方破格宜去之為妙……11月小雪前之特大明月正是強水剋火之動力，同時間小雪當日日本福島繼紐西蘭後又發生七級大地震……神兆機動之下好難避免災難歷史重演。

憂心之餘隨手執個《熊》字作預測……點解用呢個字呢？係因為能量導致地球水火變化的機動。熊字雖然是能字騎住火（四點水部首列入火部），然而通識則認為：四點水根本就係水部……咁搞法，四點水變成咗睇火又得、睇水又得，即係產生能量用水用火都可以（水火既濟）。另一方面，你哋認得個罷字嘛？亦係個能字上頭有個金鐘罩四仔罩住。，即係話，能量除咗地球水和火運作產生之外，宇宙間四種交互作用更起咗主導效能（地天泰）。如是者熊和罷字的部首（灬）和（罒）都代表着正能量。（既濟、泰卦）總結而言，能量得以起平衡作用而被用在有建設性層面，必須地球水火平均，即係太陽（火）月亮（水）相互牽制，要求達至玄學所謂：「水火既濟」卦之均衡。至於外在因素，必須保持四種「交互作用」一致平衡，上下達致「地天泰」卦之有情。

上面提到日本福島相隔五年發生兩次地震，不知係所謂月亮之萬有引力煞釀災，抑或架仔海底核試引發地震海嘯影響……總之發動「能量」源於上面嘅（四象）之發力，下面「水火」之感應……係咁失去平均而至終亂哂大龍。

雖然12月26日係冬至一陽生、陽暖有少少進氣唯獨整個世情仍然寒過（韓湘子）如是者然沖衰時衰者拔，南離一點午火已成大海孤燈、想不滅幾難。再加上月令五黃飛南復沖起中宮二黑，南亞、澳紐……月內太平恐怕天方夜譚。

試睇下11月晨22日日本福島和紐西蘭同發生地震，後者更加自11月14日發生7.8級地震以來第二次……咁睇法，神兆機動由南亞至澳紐好難冇事。

至於有冇似得12年前海嘯咁死得人多就不得而知了。