嚙稽嚙篁嚙窮嚙篇嚙篇嚙踝蕭--嚙範嚙緞嚙緞

財多壞土剋水

文‧吳鈞洋

10月8日交寒露循例占支流月卦問吉凶。戌月酉日得卦（風火家人變乾為天）化六沖。

（一）世爻持青龍丑土財動化寅木兄回頭劫財，另外初爻卯木日沖而動亦劫丑財。（二）第四爻未土財持勾陳動化午火子孫回頭生、同時得上爻卯木兄生五爻巳火子孫復生未而由上生往下，再乘戌月土旺助世爻之丑財。（三）第三爻亥水父母印星持朱雀空亡復被上下發動之未丑土財星夾住相剋。

占卦完畢細察之下自己也不禁打咗個突，事關自己丁火命而五行土多缺水名副其實（傷官傷盡），今年戊戌加強咗傷官動力只要不見官殺(水) 本來為禍不大。奈何本月壬戌、光秃秃一點壬水官星透出被戊土傷剋而不見金通關，乃正宗傷官見官無解救……想到呢戍再睇番支卦、直接觸動神經焦點係禍「水」，唯有暗地裡感嘆：「咁就有排煩矣！」。點解咁講呢，皆亥水在器官根本就是骨，睇怕冇幾耐必有疾病發生。唉！世間事往往好嘅唔靈醜嘅靈，話口未完10月12日嗰落雨溫度突降令到膝頭哥即時劇痛被廹柱枴杖做了鐵枴李……。

無可奈何之下睇番支卦做事見招拆招速速過咗筆錢畀内子，利用二爻田宅宮之丑土發動寅兄化回頭剋、破財以紓解丑土剋亥水。跟住冇幾日，公司電腦又忽然瞓覺早抖咗，又不得不花費一筆同時減輕四爻未土剋亥水。

截稿日剛好霜降，希望驗證卦化六冲、將D衰嘢冚扮爛冲走！