《香港占算網》吳鈞洋大師親算

文王卦每事吉凶占     紫微斗數及八字簡批      紫微斗數及八字流年  

八字斗數及花根命名    八字斗數商業命名     玄空飛星配婚擇日  

玄空飛星開張擇日  

吳鈞洋親算保證短片

答讀者問(2151-2200)

    (由於本網站廣受歡迎,國內外讀者電郵問事與日俱增。而我答覆來件務必親自作答,絕不假手於人!同時只限於在網上列出,不設個別私下回覆。但因問事電郵實在太多,實在無法一一解答,由即日開始,將會採抽簽形式解答。情非得已,謹此向向隅者致以深切抱歉!

    此外本人答讀者信有三種情形不作答:1.分不清來信讀者性別2.搞不清出生日子是農曆抑或國曆3.沒有姓氏稱呼的來信。敬請來信讀者注意上述三項問題。)

文.吳鈞洋

2200.師傅你好!本人姓孫,女,香港出生。對八字、紫微斗數一直都好感興趣。想請教以下問題:(1)姻緣:看夫妻宮没有主星,婚姻會否不順利。何時會結婚?對方是怎樣的人?(2) 事業: 今年咩時間轉工會最好?新工作好嗎?

鈞洋答:1)太陽天梁响事業宮照夫宮,咪意味住嫁出國和番、又或個番幫走嚟本地招你…咁嘅婚姻至會長久。由於太陽會照巨門酉時,酉時即係六點半,陽巨六點半、非嫁出國冇幸福。2). 今年未必轉工但有調動,最佳秋後變,一生人受外國人賞識。

2199.吳穎、女、出生地:上海。想問師傅本人事業前程、姻緣、家宅運如何。求師傅好心贈言。多謝!

鈞洋答:五行水旺加全盤寒木,首要陽光、其次壯木。命中最有力用神是年柱巳火和月干丙火,俱財星。斷之出身小康以上,也能獲家山風水蔭庇,個人14歲後可以興家旺財。唯獨不利男性人口、猶其婚姻宜出外,否則一夫難白頭。命喜木火,一生行木火運,係有為女士有福氣之人。

2198.本人姓莊、女,多年沒拍拖,現識了一男性請問同此男有冇發展機會,因他對我忽冷忽熱,唔知他想點…… 何以我的姻緣運那麼差……幾時會好?

鈞洋答:戊癸化火,可惜生月水汪汪,不入木火鄉聞到男人味都會作嘔。嗰條友搞搞震冇幫襯之無聊人而矣!今年唔散出年散、唔散大家樂!真命天子要2013年才出現,保證嫁得出、唔使心up!

2197. 本人姓吳,男,   新年初二就發燒病了一場,想起12年前的兔年我工作出現危機收入大減,想問一下吳師傅我今年運程如何,最近兩年是否會轉工? 適合什麼行業? 財運如何?

鈞洋答:金水傷官宜見官,但你五行卻啲多官氣都唔見。即係爛鐵生冬令若不見陽光照暖,十足屎氹關刀冇叉用,如果金弱則衰多二錢添!唉,對你來說不幸言中,十二年前你仲行緊水運,唔仆街已經祖上積德。依家好得多,行緊金鄉雖然仲係有啲烚下烚下…. 相比起嚟已非當年吳下阿蒙矣。今年轉硬工喇!大利電、油、塑膠、廚房…. 等等屬火工作。六十歲後行運到老。

2196.小女子姓常,潮州出世,我有一個男朋友、我十分愛他,只是最近有些若即若離奇怪感覺,想問我們緣分是否會繼續下去?

鈞洋答:潮州妹妹,你會不會聽老人家潮州音樂?音韻約莫:「自己顧自己,理得佢去死… 」今次真的是這種曲調矣!應該是時候終結了。因為你的命壬水生冬令用火喜木,五行強火會聚夫宮,真命天子2013年出現,對方有財有勢,運程一路旺夫…. 看來現在這位架己冷係黑馬而矣!

2195.師傅你好!本人姓藍,上次來信未能抽中,唯有再接再厲,期望今次成功被師傅抽中。本人的姻緣運實在太差,男友最後和別人結婚, 之後和我亦拖拖拉拉至今已11年。現在他說要離婚,,未知我是否可以和他在一起?? 我很愛他呢…… 我會否孤單一人?? 會有個伴侶嗎? 本人亦於2009年離職做點小生意,不知道本人的事業運如何呢?

鈞洋答:一片殘花敗柳……靚女,你話唔係咩?嗱!咪誤會呀,論命咋!乙木生巳月會木局,一點癸水透天干恰似盛夏時分衹落得嗰一二場雨。話之你好命又好衰命又好,總之見金大吉。而金亦分別係事業和男人。去年咪入咗金運透埋強金出干,怕係喇啩!之不過條友財多身弱叉鬼都啱,因住12345,點止你一個?依家個運好大機會飛一件合一件。新開嘅生意隨住轉運幾睇好,今年可能有變動。一世人靠把好揾食,越係熱闈地人越啱你。

2194.我叫Jenny,唔好彩小產過四次,不知以後還有冇機會生得出呢?

鈞洋答:珍妮呀,你條係丁火命生秋令,四柱金水強旺獨日元一個禿頭火,由於水積哂響生仔嗰啲器官,缺火暖和兼抽唔上去潤肝清肺,咁搞法即係中醫所謂之「宫寒」症,嚴重的可能造成不孕,或妊娠後胎兒發育遲緩等。要有火溫暖先有機會做成人。好可惜橫睇掂睇你要到58歲才入火地,真吹漲!唯有望老公條命火旺喇!否則再有時要留響南半球等痾咗至返嚟!

2193.我是angel、女生,生於台北,請教大師本人今年的感情運勢如何?農曆年前剛與男友分手,曾經歷過2段感情,總覺得交往的對象不了解自己,但提分手後又心生矛盾,幾年前有位老師替我算過紫微,告知最佳的真命天子於3435歲才會出現,是真的嗎?讓我很迷惑,不知該不該把握當下的機會?我的真命天子會有何特徵?謝謝老師的寶貴意見!

鈞洋答:中秋八月雨露水、秋寒而用火溫暖,喜日柱癸巳、巳火親切入夫宮。24歲壬午,前五年壬水剋火感情當然易合易分,29歲後5年內應該是于歸之期矣!只不過你斗數天同化忌纏地劫、擎羊、破碎入夫宮,加上你身宮天梁守財帛,擇偶肯定要求高,婚後對丈夫雞蛋裡挑骨頭……等等將影響和諧。丈夫是肥仔,最好離過婚否則會有第三者介入。

2192.本人RONALD.男,出生澳門,想請教下列問題:1).本人現從事IT工作,但想幾年後轉行可行嗎?哪些職業會較好?2).財運如何? 本人目前收入尚算不錯,但要照顧家人及償還之前的債務,有點吃力。3).婚姻如何?對方會是一個什麼的人?本人目前還是單身。

鈞洋答:1).32歲後可以轉行,最理想係揸工具嘅操作性,或者費唇舌推廣職業亦啱。2).搏到中年後小康可期,大副還可當、大富則無望。呢幾年運程麻麻咋!2012有機會大改變,之後五年唔差!3).你嘅婚姻麻煩咗啲!事關天梁落陷守妻宮,命中太陰亦都落陷,所以要經過挫折婚姻先至完美,仲有係對方要細你六七年又或者大你幾個月以上。

2191.我本人姓馮,是一位男性,廣東東莞人,我近幾年在社會當中努力拼搏,現時卻是失業收場,十分落魄、苦悶。但我並沒有放棄自己,失去個人的遠大抱負。所以,我請問師傅這樣的一個問題,我能不能成為億萬富豪,成為福臨門酒家、鏞記酒家這樣的“富豪飯堂”的常客?謝謝!

鈞洋答:楝官哥哥,你封封前面嗰一大堆人定勝天之廢話、不過係毛澤東之前嘅揾笨招數,教壞人所以我幫你删Q咗。但你條命卻屬於好命噃!超……人!你認為作為福臨門酒家、鏞記酒家……座上常客好巴閉囉wo!咁你將來肯定餐餐響嗰食到肚痾,哈哈!你知你條命嘛?天府守未垣而日月旺宮夾紫貪守財帛纏祿存見火星。或者億萬富豪冇你份,但係過仟萬身家則閑閑哋矣!

2190. 本人moon活到今時今日,黃金歲月過晒,真係百無,無事業、無愛情、無婚姻、無家庭幸福、無錢……甚至已經好耐無工作,不過有一樣嘢多,就係小人多,就算我有恩於人,對方都會恩將仇報! 我想請師傅解答:1.我究竟今世有無機會遇到有緣人,可以結婚?如有,幾時呢?會幸福嗎? 2.對方外表、背景、性情如何? 3.我醉心嘅興趣(與藝術有關)會再有發展機會嗎?幾時可以有起色呢? 4.經濟何時改善呢? 5.2011兔年運程大槪怎樣呢?

鈞洋答:阿moon=悶,改鬼咗個名可能開心啲,講笑咋!莫認真。照你所講依家咪變咗盲毛囉,哈哈!1).揾知己容易揾老公相信幾難,事關你夫宮纏文昌化忌、日柱壬辰魁罡,只要有政府認可結婚文件就一定衰收尾(林美香)。2). 萬一真係有個盲鼻菩薩撞埋嚟,一係濕滯佬、一係乸型,仲有對方多數有老婆。之不過事業應該有啲作為。3). 你目前進入財旺運,2012經濟開始有大改善。4).兔年利考試利名氣,出外有發圍。

2189.本人姓陳、男、香港出生,特別想問姻緣、事業~ 小弟失業已經幾個月,連見工機會都無,請指引...THX

鈞洋答:哥哥仔,挨下先啦!乜天降大任於斯人,先勞其筋骨、受其遭質、仲要被屈,哈哈!癸酉日柱五行火炎土燥,唔入金水想好運幾難!依家癸丑運,行緊癸水、三個癸撞丙丁即係漫天風待黎明,仲慘過架仔!!!今年小暑轉入丑鄉,嘩!巳酉丑會咗下面,有金又有水、又食又拎,又有事業又旺桃花。學架仔咁挨住先啦!

2188.老師,我是Ding,香港生、女,希望有緣抽得中啦~~1)想問問姻緣呀,幾時先有呀?將來老公如何?2)事業同財運點好呢?

鈞洋答:因為阿當係老公,阿Ding梗係老婆、夏娃啦!1)明年真命天子好大機會出現,後年希望于歸真洞房。事關你夫妻宮D土三刑逢沖、土厚埋金,由於金睇丈夫、咁沖法,個老公咪分分鐘遭活埋!好彩依家運程合住夫宮解沖,夾硬將佢由地府扯返轉頭、好等你哋結婚先。老公面圓圓略豐滿,好中意用錢女入身上。2) 財多身弱,要行番木運才有發圍,43歲後到老都有運行。

2187.我是Fun Fun(女),我2010年6月尾被炒,直到今年2011年西曆1月中才找到新工作。新工作是一份醫院工作,文員職位,立春後上班,希望工作順利。請問吳師傅,我2011-2013年工作運如何呢?我的新工作是三年合約的,如表現好或可獲續約。

鈞洋答:目前中運行到2013年都係破軍化權纏祿存而會照殺破狼,祿科權三方四正,明年2012行到貪狼入羅網,睇怕鬼仔入咗走馬燈,唔轉有鬼。之不過今年39歲,出年40……而41歲脫苦海入好運,唔係跳海大解脫!而係真正有運行。

2186.師傅您好!我姓鐘,出生于福建漳州地區,我是男,請教師傅:從我出生至今為何我的命運會那麼不順!那麼辛苦!何時才能夠順利?懇請師傅指點迷津?弟子萬分感激!

鈞洋答:福建冷!你條命淨得日元一點土而全盤係哂木,係正宗殺旺無制格。殺強意思是要追殺你,你投降就做了它奴隸,怎會不辛苦!到了48歲後運入金地,到時候妻子得力大旺事業。

2185.我叫ALICE,本人做了文職幾年,情緒好容易不穩定。本人一直有心願想開琴行,我自少已極喜歡音樂、尤其是鋼琴。請問我何時可以實現願望,不再需要打工?請問全職在家投機或投資算是一份自僱工作嗎?我條命會有男人願意養我嗎?我會有子女嗎? 請務必解答我「何時」有姻緣和子女……唔該……

鈞洋答:條命己土生九月,雖然土旺但嫌佢寒,加上全盤水汪汪,如果話你似pet爛泥並不太過,哈哈!條命咋!列入財多身弱睇。即係話,若然不入火運、一如俗語所云 爛泥扶唔上壁!目前行緊乙丑濕木爛泥運,丑係牛生肖,你對住佢彈琴就冇所謂,開琴行相信難D。乜叉都要等35歲丙寅運至有得傾(king),之前no king亦即係:皇上無話兒。娶就難D、想男人養你容乜易啫!行火運咪有得生囉!結婚生仔都要35後。全職在家投機或投資當然算是一份自僱工啦!

2184.小姓曹、女、現年18歲,生於香港。我想知道我的老公是哪裡人,.外表有何特徵?何時會相遇?我比較適合哪些工作,是否適合創業?

鈞洋答:十八歲卜卜趣,總之青春萬歲!我18歲嗰陣仲係一舊飯,慚愧之至連溝女都未識!邊有你依家咁叻會為自己幸福着緊。由於你夫宮武曲化忌貪狼守而會照殺破狼、纏祿科權忌三方四正,加上八字官殺混雜,十居其九嫁個番鬼佬、又或揸外國護照之人。武曲化忌係偏鋒,若然老公不持利器、工具揾食,又或者撈偏門咁就好容易畀你剋、畀人鋸。健康:肺經、呼吸器官、腸胃及意外傷害……。穩陣計30歲婚姻才真正有着落。適合律師、會計師、財經……可以創業,但亦有機會襄助丈夫經營生意。

2183.本人姓陳、 女生、香港人、 請問我是否會孤獨終老?事業及財運如何?

鈞洋答:陳E,都算與你有緣,事關答你問題時咁啱係你牛一,哈哈! 唉!(見到呢個唉字都唔慌老黎得去邊,嘻嘻!)鬼咩!斗數夫宮纏太陰化權,即係話你一世要做寵物(畀人錫但坐唔正),你係燥土命、五行喜水調候、用金生水,唯獨52歲前水運一早行完,依家落去期望兒孫發達、自己平安就阿彌吉帝矣。

 2182.本人姓廖,上次請教過你我姻緣運。你說我條命水旺夫宮,一世有很多三角關係,你說得真對,我就是活在三角關係十三年了,今年便36歲,真想找到真命天子,結束多年的關係。事關仍未找到,便繼續做第三者,真難受。吳師傅,可否再給予多些指示,在快將36歲的我,何時會遇到真命天子呢?那人又會是怎樣的呢?

鈞洋答:今年38啦,阿密絲廖!睇下先,水旺夫宮呢層係冇得改喇!即係話瘦田冇人耕耕開就有人爭,就算你揾個抆雞豆皮戚眼哨牙……樣樣齊全嘅麻甩佬做老公,一樣有人同你爭到頭崩額裂!事關你本身係水,而夫宮又係水、咪等姊妹同去你下低揾你愛人囉!除非……你五行火旺財多,要揾姊妹集眾人之力去掠水,先至有機會于歸,于歸做乜呀?做世界真洞房囉!幾時?試睇:20132014啦!

2181.姓王,男性,獨子,現時在英國北部讀書,很希望2013年大學能考入醫科,2011年參加英國會考,學校不太推薦報讀醫科,因第一會考成績要有狀元級,再者外地留學生入醫科非常困難。請問師傅他會考成績如何?能否如願考入醫科?再者能否成功進入他心儀的理想大學?求求師傅提點。

鈞洋答:壬申日柱生夏令,地支會火局、天干透金水,五行以金水作用神,唔去英國邊讀得成書!只不過佢23歲後先至有運行,仲有係五行用水去射熄火,火係財、水係朋友合伙人,擺明合作做生意揾銀。

2180.吳先生你好!本人姓周, 男生,香港人,我女朋友姓曾,也是香港人,我想問我們合得來嗎?跟她合婚如何?是終身伴侶嗎?事業及財運如何?

鈞洋答:命屬壯木,四月夏天火炎土燥,喜用金水,用水滋土養禾用金幫身兼生水,你條命弊在三刑逢沖、猶其26歲後乜都沖到干干凈凈,個人冇被主寵召已還得神落哈里路亞極。女友金旺有利生水,依家31歲天合地合可以結婚。一世工作要「四圍酒 答讀者」。 

2179.本人Emily、女性、香港出生,想知道幾時才有真姻緣(即是結婚) ?對方有咩特徵?真係好驚會嫁唔出呀!

鈞洋答:老實話我都有啲驚呀!事關你陰陽未垣守命加天刑,呢世人註定買魚搭魚咀、買豬肉搭豬骨……唔明?即係話識親男人佢身邊多數有一件……至於你八字日柱壬寅、辰年而拱寅卯辰傷官入夫宮,好難避免真洞房呀揾鬼佬啦!37歲入申金運,三刑逢沖,希望沖咗你出太平洋和番!  

2178.您好,我姓阮,女,出生於廣東中山,想向師父請教:(1)之前,有位算命先生話我只適宜一個子女,否則恐有刑剋,08年我結婚後09年生咗一個兒子,如果以後計畫再生多一個,是否不可以?我是否不適宜有兩個子女,會否有刑剋?(2)我命中旺夫嗎?有沒有創業命,財運如何?何時有運行?(3)我先生事業如何?一生運氣如何?我夫妻能白頭到老嗎?謝謝!

鈞洋答:阮小姐,你真沙膽噃!,竟然不將國家計劃生育當作一回事。1). 癸水命庚申時柱,書云:印入時柱本無兒。加上斗數子女宮太陽太陰居子垣,正宗:陽巨陷子宮,有得生已算奇跡,再生都係女居多。2). 至少41歲後才旺丈夫,應該有、但必須操作性或涉財經。3).31歲開始有運行、但略反復,真正好運要待41歲後。我認為你夫妻可以白頭到老喇。

2177.大師你好,本人姓劉 (Jimmy),男性,想問師傅事業及前程,求師傅好心贈言。多謝師傅!

鈞洋答:天梁坐午垣、陽巨陷子宮,機月同梁命,四煞纏三方四正。八字乙木生丑月五行欠火,用神時支未土。條命咁叉陰、心理容易偏埋一邊而一味生計,經你算過度過嘅地方肯定寸草不生。你嘅一生際遇係運在遠方,若然不出外、恐怕呢世起碼半生冇運行,要挨到花甲乜毛都白哂至安亨晚年。

2176.本人RONALD. 男、澳門出生想請教下列問題:1.本人現從事IT工作,但想幾年後轉行可行嗎?哪些職業會較好?2.財運如何?3.婚姻如何,對方會是一個什麼的人?

鈞洋答:噢!你好,澳門朋友。).條命辛金生酉月時干透丙火作合而化水合格。行金水運,好似禾苗見太陽(毛澤東),其餘木火土…都冇運行。所以你要轉行的話,必須搵持工具揸利器嘅工,也可以撈偏門。2). 財運小康以上喇!總之大副或者做得到、大富就冇份囉!3). 將來個老婆一係大過你多少,一係細過你好多,唔經過淒涼苦楚相信幾難真洞房。對方係咩人?凈識俄文不懂英文。

2175. 你好,本人並沒有正式學風水,只是到一些網站及買了幾本書參考,最近對一個觀點有所不明白,希望吳師傅能略為指點,實在萬分感激! 由於個人能力所限,有很多內容未必完全明白,而最近綜合以上的文章對「八運宜西南見水」與「八運宜東北見水」兩個觀點作了一些分析(在不考慮宅中人五行的情況下),如下: 1.首選位處大太極東北方的宅2.再選該宅的東北方有山3.宅內及外的東北方均宣見動水4.屋內的西南方宣見靜水。友權謹上

鈞洋答:淨係買書睇,冇參加「旺西南」在電視嘅玄學班咩?咁你真學少好多嘢而執番一身彩囉,哈哈!1) 非也!東北一樣有衰風水,東北更加多窮人。講到住,在亞洲區,不變定律永遠係南勝北,東南勝過西北。香港嚟講,香港到底好過九龍,九龍界限街以南講到尾都勝過以北多多。2). 錯矣!山宜陽水宜陰,陽在東四:南、東、東南、西南。陰在西四:北、西、西北、東北。3)太極(八個方位),每個方位都切二下分成三份、謂之「三山」計埋合共廿四山向,每個山向配套上九宮飛星、就可以知道財位响邊戍,財位梗係擺放動水催財喇!反之,將動水放錯响五黃位或病符位,咁就大交叉鑊囉!(點死都唔知!)4). 呢戍就威喱骨!答啱咗。冇錯!屋內西南方宜見靜水,原因係零方(衰)有水就可以將旺氣截住打回頭,事關有益人類嘅山陰旺氣係由正旺方流向衰零方,由2004一2024廿年皇極世運係旺東北而衰西南。

2174.本人姓E陳、 女生、香港人、請問我是否會孤獨終老? 事業及財運如何?

鈞洋答:你份人煩就係煩啲,但未算非洲和尚(黑人僧)。臨老就算冇得真洞房,假假哋都有個知己傍住。事關你八字官星立時柱,至於斗數則紫貪桃花在交友,太陰(女人)化權入夫宮。小康以上喇!大富冇份囉!皆因你機月同梁命係辛勞半生好晚年嘅格局。

2173. 去年初找過你睇流年,你說我事業及財運均發展不錯。但是我九月轉了工作以後,人工及職責都少了,現在合約工作準備完結,但續約條件不好我不太想續約。但找工作又沒有很多回音。請問是運勢問題,還是居家風水問題? 黎X琳

鈞洋答:本來虎年係不差,唯獨兔年必須大變動、而每年中秋後來年運氣必先進。你目前行緊殺破狼運,2009及2011都係入殺破狼流年,由於好似上面所講兔年寫包單工作大變、愛情亦變(除非對方屋企人不幸,否則你哋愛情婚姻會淪為煮飯仔)。若然你依然唔想變,個天肯定搞啲嘢迫你變。

2172.本人姓吳、女性,想問: 1) 上次師傅說我今年或出年一定要轉工,如果唔係家人可能有劫。我最近內部調組,現在跟另一個上司。咁算唔算轉咗工,會唔會好過之前?2)另外我的姻緣沒有起息...將來會如何?

鈞洋答:1) 梗係算喇!暫時好少少而仲末得「虎盡金來」,至少34歲後才得以吐氣揚眉。2)姻緣都係到嗰陣至有。問點解?皆因夫與子宮位巳亥沖,34歲後行酉運解冲才可以真洞房。

2171.本人姓藍,本人的姻緣運實在太差,男友最後和別人結婚。 之後和我亦拖拖拉拉至今已11年,現在他說要離婚。未知我是否可以和他在一起?我很愛他呢!本人亦於2009年離職做點小生意不知怎的,越搵到錢就越多支出!但不是我自己用,是比身邊的人.. 所以一直都無錢剩。

鈞洋答:唉!藍妹,藍莓…. 乜都整定,冇得怨!1) 你命宮坐寅無正曜而借對宮申垣機陰作主星,會照巨日,三方四正機月同梁,四煞同度而纏地劫對地空。最慘係個太陽响午宮,身宮卻在申垣太陰天機。你份人就算好工心計乜都畀你算叉盡,唯獨對住鍾意嘅男人卻air都冇得air!事關個太陽日麗中天,點到你個月亮(太陰) 惡啫?!我認為對你嚟講佢就係如來佛祖隻手掌,斷估你呢世都幾難逃出佢掌心,希望佢係郭大少翻版啦!2) 命坐地劫地空纏太陰財星而被太陽豪奪陰光,你若然唔畀男人呃錢反而係奇事。

2170.吳師傅,有一重要事欲求問,本人哥於上年尾奉子成婚,但因能力有限仍未能自立, 自組家庭, 未能搬出去住, 現一家三口與父母屋企人同住現在家媯鳩皕P覺很擠迫,不過不打緊, 我已打算搬出去住, 因為實在受不了。請問他何時才能夠和 願意搬出去? 還是他很難自立? 他這樣成家搬入黎住會否刑剋屋企人? 煩請用你的高超功力告訴我他何時有搬屋之象? 萬分感激 ! a craze-c

鈞洋答:你大佬至少要2012年先至搬得成家,因為明年佢辛卯歲運併臨,加上斗數個子女宮烏忌白忌,自身坐住個天府,點走呀!至於2012寒水會局在父母,一如海嘯乜叉都冲走,該年唔到佢話事想唔走都唔得。

2169.本人姓伍、女,出生於香港、現居溫哥華從貴博客中得知師傅精通八字紫微,特來函請教指點迷津希望本人能被抽中而得到解決這幾年的苦惱。自1988至2008都是間斷地做製衣加工生意直至2008年年中才開始停下來。今年回港希望有机會再開始做事或生意,但始終多方阻礙未有成事,我想知道我何畤才能再有生意可做?還有我適合在彼邦抑或回流?

鈞洋答:條命土厚埋金,返嚟東南亞睇怕冇咁「他條」,相信嚟緊正月前應該有好路數。你目前算行緊好運,之不過亦係轉角運或多或少有啲濕滯。49歲轉入水鄉潤土,斗數更加運值陽巨,擺明要同鬼佬做生意。定啦!到時財源滾滾架。

2168.我姓吳、老公姓江,我們結婚多年,求子之路一直不順,故想請教老師,我與夫婿是否還有機會求子成功,希望給我一點建議。

鈞洋答:嗱!你畀嘅出生日子冇註明係陽曆抑或陰曆,本來應該掉入資源回收筒,但仁心如我…嘻嘻!諗到咁辛苦至抽到你哋(皮開肉綻)、不忍心罷手,所以當陰曆推算,先旨聲明:有錯咪怪我。你條命屬泥,生六月土燥地乾、乾澀過我銀包。你老公條命屬柴,生九月地支會火局而乜都燒燶燒凈。須知道木乾渴水,土燥喜潤。兩條命五行都以「金、水」睇仔女、奈何隻公命燥木雖有水生卻被蒸乾兼夾一路木火運,咁鬼燥熱、啲「精」死蛇爛鱔係意料之中。隻乸五行缺水不特止、仲畀丑未沖埋添!想行水運?等57歲入癸丑運喇。唉!除非移民歐洲,否則生瘡容易生仔難。

2167.尊敬的吳鈞洋師傅你好,我兒子夆、2010年2月到了澳洲讀書,請問讀書運和身體如何?謝謝!

鈞洋答:你個仔印星高懸,將來肯定才高九斗、學賦六車(比人多啲)。本來:血液腎系,眼睛、神經系統…. 等等都有偏差,出咗國反而大有改善。睇嚟佢不會長住澳洲,因為歐美加…. 對他更為適合。

2166.吳師傅你好!我叫芳芳,小女香港出世明年佢就考大學拉,我好緊張及擔心,唔知會點呢?且佢適合在邊個地方發展同生活啊?做邊行更加適合佢,將來婚姻又如何?

鈞洋答:芳芳、慌慌…. 哈哈!睇嚟你冇改錯名、只係寫唔啱啫!唔使慌喎,你位慌慌千金依家行緊陽梁昌曲三甲運,咁啱兔年又坐正太陽天梁纏昌曲嘅狀元流年,若然考試咁都名落「孫山後」就要燒書囉!佢終身受「鬼」賞識、歐美啱佢。五行金旺極而刀光劍影,再加埋武曲化忌守遷移,好大機會專業持利器謀生。第時個老公可能係射住佢嘅師、長、老細…. 異地姻緣應該到老而不會一結就分。

2165.本人Avis、女、生於香港,想問姻緣運及健康運。1)想問何時有姻緣和結婚?2)對象大概會是一個怎樣的人呢?3)健康運如何?最近兩年好多小病...請求師父幫忙看看。唔該哂師傅!!

鈞洋答:春乙木有甲傍住、地支又會木局,直情強過龍喇!但係啲金亦唔弱,十足曹達華與石堅刀來劍往、再放飛鏢。由於你命中五行以金睇「佬」,咁即係話裙下之臣大鬼把,唯獨十居其九都要你踩落三角關係陷阱。1).2012年真命天子有機會現身,由於31歲後係痾仔運、斷估會結婚啩!2). 對象係外地人、或揸外國護照嘅華人,由於陽巨守夫宮、份人:多嘢講、幾多情、近視、但棚牙鬼咁靚、閏房樂趣麻麻…. 3) 容易眼疾及呼吸系統過敏,仲有係多數生育血光同埋生多舊肉(良性瘤),壓力病引發神經衰弱。

2164.小女PoPo已失業2個月了。可能個人給人印象十分外向,搵親行政工作都冇人請。2010年4月請申請過讀研究生,到而家都未有消息,我好迷惘,我完全唔知自己應該搵咩工做,請大師指點。另外我想問下我將來老公會係咩樣?

鈞洋答:好笑!起初我仲以為係你媽咪代你問事,所以話少緊個字往往使意思差之毫釐,失之千里。嗱!條命天梁落陷亥垣纏天刑天壽對沖巳垣天同雙祿文昌化科、會照夫宮、官祿天機化權文曲,陰陽未垣財帛….. 。擺明又係一條「昭君命」,崩牙仔話頭:「唔出塞冇運行、唔湊鬼衰一世」。五行泥火炎土燥,少啲金水滋潤都寸草不生。31歲前行木運肯定濕滯冇人識貨,加上行值庚寅運遇上庚寅年,謂之:歲運併臨,更衰多兩錢重。挨多兩年到31歲水鄉運啦!明年兔歲好番啲,但可能要奔波。將來老公有可能大過你廿年左右,有米兼有仔。多數係鬼,問外形?弊家伙唔識答添,事關在我眼裡隻隻鬼個樣都差不多。

2163.吳師傅,您好!希望我的郵件能非常榮幸地在千千萬萬中的來信中被選中!本人姓黃,女,出生於浙江溫州,我老公姓劉,出生於浙江舟山,。想請大師幫我們看一下什麼時候有寶寶?另外,想問一問我老公的事業如何?我老公現在在溫州工作。萬分感謝!

鈞洋答:黃小姐你命中五行木火俱旺唯獨缺水,唉!真正水運卻要46歲後才行到,革命歌有唱:「雨露滋潤禾苗壯」你命中無水如何生育!除了毛澤東無人可以打救?如何是好!幸虧你夫君五行全水而火虛,和你相配正是典型革命夫妻,兔年切記勤些搞革命,明年後年很大機會懷孕生寶寶,你老公36戢歲後才有好運行。

2162.吳鈞洋師傅,您好!本人想成家立室,請問何時女友才肯嫁給我呢? 我出生在中國,他出生在馬來西亞,而我倆八字又是否匹配**我倆同樣自小已移居香港本人仍未找到一份自己喜歡的職業,請師傅指點哪類職業適合我,何時才能穩定發展事業?

鈞洋答:你30歲前運程三刑沖入妻宮,而馬拉女友則行桃花太陽化忌入命宮。虎年轉運斷估「苦完」兔年講掂洞房數機會奇高。你邊咁快有運行啊?唱首三年、唱得嚟係時候喇!你適合做策劃設計工作,40歲後穩定。

2161.你好,來信多次未被抽中、希望今次會被抽中本人。我是Vicki、女性、本港出生,請問:(1)我是孤獨命嗎? (2)如不是,何時會有真姻緣?對象大概會是一個怎樣的人呢?未來真命天子何時出現或者現在已經出現了嗎?(3)會有異地姻緣嗎?我的孩子什&時候會出生呢?

鈞洋答:靚女,講到明抽獎,如果你冇運必然好似跑馬射蚊鬚,中獎機會幾乎O。1、2).己土生辰月而厚旺,必須用壯木疏土,你月柱有甲木透干為用,妻從夫化,獨嫌五行水虛,33歲入水運應有姻緣作合。我睇位太子應該從事專業或者合作做生意。多數出現咗或許條尾尚未露出,一係佢仲有老婆、一係條女未甩。3). 好難講喎!萬一你老公揸外國護照都當你異地姻緣。你條命仔女比較少、湊鬼先至似豬乸。

2160.請問而家呢個時代,撈偏既行業或職業有幾多?可否講至少15項黎聽……其實係咪收入唔穩定既工作就算係撈偏?點為之撈偏?同埋點樣既八字看出係適合撈偏? THX

鈞洋答:律師(訟棍),醫護、髮型師、廚師……(利器搵食)、相士(術士)大師(神棍)、金融(賭棍)、軍警(武職)。以上係較體面嘅半偏行業。屠夫、三行、黑幫、賊匪、性業、馬伕、大檔、小販……屬於正宗撈偏。泛義指:持工具、利器以謀生,違法或走法律罅之行業均屬偏門。官多殺旺、五行戰局多屬偏鋒命。

2159.吳先生你好!本人姓林,女,在香港出生。在2009年頭結婚,希望在2011至2012年懷孕,有機會嗎?如有幸懷孕, 會是男或女?孩子健康嗎?

鈞洋答:你命中五行金寒水泠,行到30歲嘅運都係金寒水冷,須知孤陰不生獨陽不長,女人五行寒親大多數排卵不暢順、子宮更不能容納胚胎。最弊家伙係命中天機化忌午垣守子女、仲多咗隻羊添!好彩前行緊半火局運程、咁啱今年又會齊火局,睇下今年有冇機會中招啦!相比之下較睇好今年。

2158.吳師傅您好!本人Philip,生於香港,已婚。請問本身八字強弱、喜用神是甚麽?以後運程如何?現從事電腦行業,適宜創業做生意嗎?如適宜,何類型比較有利呢?

鈞洋答:火炎土燥身強極,以金水為喜用神,一路火木忌神運,睇落幾辛苦。電腦行業都啱嘅,之不過出外方有利及有發圍,首選係歐美加,去唔到上大陸北方也有改善。另外,可以做金水行業生意。

2157.師傅,你好,本人姓劉,乳名寶,男性,香港出生,想問事業及自身,謝謝!

鈞洋答:疾風勁草逢霜雪,打你幾硬淨都惡頂!機月同梁命,天梁守午垣、除非出外發展喇!否則60歲後先至有運行。

2156.我叫阿秋,女,生於香港。明年大學畢業,適合從事什麼行業?另外,感情方面,何時真姻緣會來臨?另一半會係咩人?感情路上會波折重重嗎?

鈞洋答:財官印三奇格,命有三多:讀書多、銀紙多、仲有阿媽多……講錯,係阿媽嗰邊人口多。適宜金融機構任職,可以陞至管理階層。另一半會係中國人,一世人洞房生仔兼搲銀……冇乜波折更少漣漪,算得上福壽命。

2155.尊敬的吳鈞洋師傅你好:本人男性,姓王,目前未婚,想請問何時才能結婚,未來妻子或者真命天女何時出現或者現在已經出現了嗎?未來妻子個性、外貌如何?我的孩子什麽時候會出生呢?  

鈞洋答:未婚,目前末婚,兩者有好大分別噃,哥哥!前者斬鐵截釘表白乜叉都冇、但後者卻扭扭擰擰……而好鬼曖昧,莫非今年末結婚?哈哈!講笑咋!你妻宮入羅網守辰垣,十居其九外族人或揸外地護照,一世奔波好動甚至無事忙。外貌?咪眼大大白白淨……幾靚女嘅。至於個性呢一層,由於佢為人率直唔識隱藏,睇怕幾惡頂!28歲嗰拾年乜都搞掂。  

2154.您好鈞洋老師,我是JJ, 女性,請指教:我在2010年2月認識一男生, 外國人來的,我跟他有沒有夫妻緣?我快40歲了,為什麼姻緣那麼差。會有好轉的機會嗎?我是否不會結婚的?

鈞洋答:問姻緣?唔過39唔使旨意嫁得出,之前就算倖僥有得洞房(不是煮飯仔嗰種)你都喊得一句句,問因由?皆因夫妻宮三刑逢沖是也。今年春分後七日轉運,所以有料到而(撞鬼)。再問原因?事關你夫宮太陽陷子而正一「陽巨跌咗落子宮冇厘火氣」。若然不嫁出國和番的話,呢世人睇怕紅魚青罄而終老。

2153.本人姓陳、 女生、香港人。請問我是否會孤獨終老? 事業及財運如何?

鈞洋答:戊土坐刃而生辰月、欠金缺水。由於五行全火土密哂龍,換作己土而成「稼穡」靚到絕頂,奈何戊土只能列作從旺格。事業財運唔差喎,唯獨姻緣卻喊都無謂!事關土視木為夫星,既缺水、年輕嫁得出個老公亦恰似白蟮上沙灘,到咗目前庚金運更加不幸,庚金即大刀、玩玩下一個唔覺意而手起刀落……認真牙煙!

 2152.胡小姐、女、請問此人帶夫星、子星、財星?命局如何?她跟徐先生的合婚如何?

鈞洋答:胡小姐的命局必須離鄉別井,否則難有好姻緣,當然去歐美國家最佳,大西北地區也適宜。嫁夫年齡宜長十年以上,眼或血有缺陷。命中有女恐無子,縱有亦緣分極薄。基本上她和徐先生的命算得上配合,只是在本地婚姻難完美大前題之下,合婚好壞要看環境斟酌矣!

 2151.本人姓謝、女性,結婚多年未生育。是不是生辰有八字問題,命中有沒有子女呢?

鈞洋答:己土命、本來最利孕育,奈何五行缺水欠金,干爭爭咁……生瘡容易生仔就困難!除非移民歐美,若然個老公係鬼更有幫助。   

諮詢及留言